ਪ੍ਰਧਾਨਮੰਤਰੀ ਇਮਰਾਨ ਖਾਨ ਦਾ ਸਰਕਾਰੀ ਘਰ ਕਿਰਾਏ ‘ਤੇ ਉਪਲੱਬਧ ਹੈ। ਜੀ ਹਾਂ, ਆਰਥਿਕ ਤੰਗੀ ਤੋਂ ਜੂਝ ਰਹੇ ਪਾਕਿਸਤਾਨ ਨੇ ਇਸਲਾਮਾਬਾਦ ਵਿੱਚ ਪ੍ਰਧਾਨਮੰਤਰੀ ਇਮਰਾਨ ਖਾਨ ਦਾ ਸਰਕਾਰੀ ਘਰ ਆਮ ਲੋਕਾਂ ਨੂੰ ਕਿਰਾਏ ‘ਤੇ ਦੇਣ ਦਾ ਫੈਸਲਾ ਕੀਤਾ ਹੈ। ਹੁਣ ਇੱਥੇ ਸੱਭਿਆਚਾਰਕ, ਫ਼ੈਸ਼ਨ ਅਤੇ ਵਿਦਿਅਕ ਪ੍ਰੋਗਰਾਮਾਂ ਸਮੇਤ ਹੋਰ ਸਮਾਗਮਾਂ ਲਈ ਲੋਕ ਇਸ ਨੂੰ ਕਿਰਾਏ ‘ਤੇ ਲੈ ਸਕਣਗੇ।
ਇਸ ਤੋਂ ਪਹਿਲਾਂ ਅਗਸਤ 2019 ਵਿੱਚ, ਜਦੋਂ ਸੱਤਾਧਾਰੀ ਤਹਿਰੀਕ-ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (PTI) ਦੀ ਸਰਕਾਰ ਬਣੀ ਸੀ ਤਾਂ ਪ੍ਰਧਾਨਮੰਤਰੀ ਅਮਰਾਨ ਖਾਨ ਨੇ ਸਰਕਾਰੀ ਘਰ ਨੂੰ ਯੂਨੀਵਰਸਿਟੀ ਬਣਾਉਣ ਦਾ ਐਲਾਨ ਕੀਤਾ ਸੀ। ਇਸ ਤੋਂ ਬਾਅਦ ਇਮਰਾਨ ਨੇ ਇਸ ਨੂੰ ਖਾਲੀ ਕਰ ਦਿੱਤਾ ਸੀ। ਸਮਾ ਟੀਵੀ ਨੇ ਦੱਸਿਆ ਕਿ ਸਰਕਾਰ ਨੇ ਹੁਣ ਯੂਨੀਵਰਸਿਟੀ ਵਾਲੇ ਪ੍ਰਾਜੈਕਟ ਤੋਂ ਮੁੰਹ ਮੋੜ ਲਿਆ ਹੈ ਅਤੇ ਪ੍ਰਧਾਨ ਮੰਤਰੀ ਨਿਵਾਸ ਕਿਰਾਏ ‘ਤੇ ਦੇਣ ਦਾ ਫੈਸਲਾ ਕੀਤਾ ਹੈ।
ਡਿਪਲੋਮੈਟਿਕ ਫੰਕਸ਼ਨ, ਇੰਟਰਨੈਸ਼ਨਲ ਸੈਮੀਨਾਰ ਵੀ ਆਯੋਜਿਤ ਕੀਤੇ ਜਾਣਗੇ
ਖ਼ਬਰਾਂ ਅਨੁਸਾਰ, ਇਸ ਮਾਮਲੇ ਵਿੱਚ ਛੇਤੀ ਹੀ ਇਮਰਾਨ ਕੈਬਨਿਟ ਦੀ ਬੈਠਕ ਹੋਣ ਵਾਲੀ ਹੈ, ਜਿਸ ਵਿੱਚ ਪ੍ਰਧਾਨਮੰਤਰੀ ਦੇ ਸਰਕਾਰੀ ਘਰ ਤੋਂ ਰੈਵੀਨਿਊ ਹਾਸਲ ਕਰਨ ਦੇ ਮੁੱਦੇ ‘ਤੇ ਚਰਚਾ ਹੋਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਧਾਨਮੰਤਰੀ ਘਰ ਦਾ ਆਡੀਟੋਰੀਅਮ, ਦੋ ਗੈਸਟ ਵਿੰਗ ਅਤੇ ਇੱਕ ਲਾਨ ਨੂੰ ਕਿਰਾਏ ‘ਤੇ ਦੇ ਕੇ ਰੈਵੀਨਿਊ ਇਕੱਠਾ ਕੀਤਾ ਜਾਵੇਗਾ। ਇਸ ਪਰਿਸਰ ਵਿੱਚ ਡਿਪਲੋਮੈਟਿਕ ਫੰਕਸ਼ਨ, ਇੰਟਰਨੈਸ਼ਨਲ ਸੈਮੀਨਾਰ ਵੀ ਆਯੋਜਿਤ ਕੀਤੇ ਜਾਣਗੇ। ਸਰਕਾਰ ਅਜਿਹੇ ਪ੍ਰਬੰਧ ਤੋਂ ਵੀ ਕਿਰਾਇਆ ਵਸੂਲ ਕੇ ਕਮਾਈ ਕਰੇਗੀ।
ਇਮਰਾਨ ਖਾਨ ਨੇ ਕਿਹਾ ਸੀ, ਸਾਡੇ ਕੋਲ ਪਬਲਿਕ ਲਈ ਪੈਸੇ ਨਹੀਂ ਹੈ
ਇਮਰਾਨ ਖਾਨ ਨੇ 2019 ‘ਚ, ਜਦੋਂ ਉਨ੍ਹਾਂ ਨੂੰ ਦੇਸ਼ ਦੇ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ ਸੀ, ਉਨ੍ਹਾਂ ਨੇ ਖੁਦ ਕਿਹਾ ਕਿ ਪਾਕਿਸਤਾਨ ਸਰਕਾਰ ਕੋਲ ਲੋਕ ਭਲਾਈ ਸਕੀਮਾਂ ‘ਤੇ ਖਰਚ ਕਰਨ ਲਈ ਪੈਸੇ ਨਹੀਂ ਹਨ, ਜਦੋਂ ਕਿ ਦੇਸ਼ ਦੇ ਕੁਝ ਲੋਕ ਸਾਡੇ ਬਸਤੀਵਾਦੀ ਮਾਲਕਾਂ ਵਾਂਗ ਰਹਿ ਰਹੇ ਹਨ। ਉਦੋਂ ਤੋਂ ਉਹ ਆਪਣੇ ਬਾਨੀ ਗਾਲਾ ਨਿਵਾਸ ‘ਤੇ ਰਹੇ ਹਨ ਅਤੇ ਸਿਰਫ ਪ੍ਰਧਾਨ ਮੰਤਰੀ ਦਫਤਰ ਦੀ ਵਰਤੋਂ ਕਰਦੇ ਹਨ।
ਇਮਰਾਨ ਦੇ ਸੱਤੇ ਵਿੱਚ ਆਉਣ ਤੋਂ ਬਾਅਦ ਪਾਕਿਸਤਾਨ ਦੀ ਮਾਲੀ ਹਾਲਤ ਵਿਗੜ ਗਈ
ਖਾਨ ਦੇ ਸੱਤੇ ਵਿੱਚ ਆਉਣ ਤੋਂ ਬਾਅਦ ਪਿਛਲੇ 3 ਸਾਲ ਵਿੱਚ ਪਾਕਿਸਤਾਨ ਦੀ ਮਾਲੀ ਹਾਲਤ 19 ਬਿਲੀਅਨ ਅਮਰੀਕੀ ਡਾਲਰ ਤੱਕ ਵਿਗੜ ਗਈ ਹੈ। ਇਮਰਾਨ ਜਦੋਂ ਪ੍ਰਧਾਨਮੰਤਰੀ ਬਣੇ ਤਾਂ ਉਨ੍ਹਾਂ ਨੇ ਦੇਸ਼ ਦੀ ਮਾਲੀ ਹਾਲਤ ਨੂੰ ਪਟਰੀ ‘ਤੇ ਲਿਆਉਣ ਲਈ ਸਰਕਾਰੀ ਖ਼ਰਚਿਆ ਵਿੱਚ ਕਟੌਤੀ ਕਰਨ ਲਈ ਕਈ ਕਠੋਰ ਕਦਮ ਚੁੱਕੇ। ਇਸ ਤੋਂ ਪਹਿਲਾਂ, ਸਾਬਕਾ ਵਿੱਤ ਮੰਤਰੀ ਮਿਫਤਾ ਇਸਮਾਈਲ ਨੇ ਟਿੱਪਣੀ ਕੀਤੀ ਸੀ ਕਿ ਇਮਰਾਨ ਖਾਨ ਦੇ ਅਗਵਾਈ ਵਾਲੀ ਸ਼ਾਸਨ ਮਾਲੀ ਹਾਲਤ ਦੇ ਨਾਲ ਖਿਲਵਾੜ ਕਰ ਰਿਹਾ ਹੈ। ਇਮਰਾਨ ਸਰਕਾਰ ਦੇ ਆਉਣ ਤੋਂ ਬਾਅਦ ਦੇਸ਼ ‘ਤੇ ਕਰਜ਼ਾ 45 ਹਜ਼ਾਰ ਅਰਬ ਰੁਪਏ ਦਾ ਵਧ ਗਿਆ ਹੈ।
