ਚੰਡੀਗੜ੍ਹ, : ਚੰਡੀਗੜ੍ਹ ਨਗਰ ਨਿਗਮ ਦੇ ਸੀਨੀਅਰ ਡਿਪਟੀ ਮੇਅਰ ਅਤੇ ਡਿਪਟੀ ਮੇਅਰ ਦੀਆਂ ਚੋਣਾਂ ਸੋਮਵਾਰ ਨੂੰ ਹੋਣਗੀਆਂ। ਮੇਅਰ ਅਤੇ ਪ੍ਰੀਜ਼ਾਈਡਿੰਗ ਅਫ਼ਸਰ ਕੁਲਦੀਪ ਕੁਮਾਰ ਸਵੇਰੇ 10 ਵਜੇ ਚੋਣ ਪ੍ਰਕਿਰਿਆ ਸ਼ੁਰੂ ਕਰਨਗੇ।
ਸੀਨੀਅਰ ਡਿਪਟੀ ਮੇਅਰ ਦੀ ਚੋਣ ਲਈ ਵੋਟਿੰਗ (ਜੇ ਜ਼ਰੂਰੀ ਹੋਵੇ) ਤੋਂ ਬਾਅਦ ਮੇਅਰ ਬੈਲਟ ਬਾਕਸ ਖੋਲ੍ਹਣਗੇ ਅਤੇ ਹਰੇਕ ਬੈਲਟ ਪੇਪਰ ”ਤੇ ਦਸਤਖ਼ਤ ਕਰੇਗਾ। ਸੀਨੀਅਰ ਡਿਪਟੀ ਮੇਅਰ ਦਾ ਨਤੀਜਾ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਐਲਾਨਿਆ ਜਾਵੇਗਾ।
ਇਸ ਤੋਂ ਬਾਅਦ ਡਿਪਟੀ ਮੇਅਰ ਦੀ ਚੋਣ ਦੀ ਪ੍ਰਕਿਰਿਆ ਸ਼ੁਰੂ ਹੋਵੇਗੀ ਤੇ ਨਤੀਜੇ ਐਲਾਨੇ ਜਾਣਗੇ। ਮੇਅਰ ਦੀ ਹਾਜ਼ਰੀ ’ਚ ਬੈਲਟ ਪੇਪਰਾਂ ਨੂੰ ਸੀਲ ਕੀਤਾ ਜਾਵੇਗਾ।
